Brúnaljósin brúnu

Brúnaljósin brúnu
(Lag / texti: Jenni Jóns)

Ó, viltu hlusta elsku litla ljúfan mín.
Ljóð ég kveða vil um þig,
því mildu brúnaljósin brúnu þín,
blíð og fögur heilla mig.

Hugfanginn hlýða sæll ég vil á sönginn þinn.
Syngdu þitt fagra ljúfa lag,
þar sem að alla tíð ég unað finn,
í ástar þinnar töfrabrag.

Bjartar vonir þínar vaka og þrá
um vorsins fögru draumalönd,
og vin, sem þú gafst hjarta þitt og hönd.

Ó, viltu hlusta, elsku litla ljúfan mín.
Ljóð ég kveða vil um þig,
því mildu brúnaljósin brúnu þín,
blíð og fögur heilla mig.

[m.a. á plötunni Elly Vilhjálms og Einar Júlíusson – Elly Vilhjálms og Einar Júlíusson syngja lög Jenna Jóns]