Horfðu til himins

Horfðu til himins
(Lag Daníel Ágúst Haraldsson og Jón Ólafsson / texti Daníel Ágúst Haraldsson)

Bölmóðssýki og brestir
bera vott um styggð.
Lymskufullir lestir
útiloka dyggð.

Myrkviðanna melur
mögnuð geymir skaut.
Dulúðlegur dvelur
djúpt í innstu laut.
Innstu laut,
dvelur djúpt í myrkviðanna laut.

Varir véku að mér,
vöktu spurnir hjá mér.
Hvað get ég gert?

Viðlag
Horfðu til himins
með höfuðið hátt,
horfðu til heimsins
úr höfuðátt.
X2

Bölmóðssýki og brestir
bera vott um styggð.
Lymskufullir lestir
útiloka dyggð.
Loka dyggð,
lymskufullir lestir
útiloka dyggð.

Heyrðu heimsins andi
harður er minn vandi.
Hvað get ég gert?

Viðlag

[m.a. á plötunni Nýdönsk – Himnasending]