Mjallhvít

Mjallhvít
(lag og texti Daníel Ágúst Haraldsson)

Spurningin er sú
hvert er upphaf,
spurningin er sú
hvert er stefnt.

Spurningin er sú
hvar skal byrja,
spurningin er sú
hvers er spurt.

Framtíðin hulin,
fortíðin hverful
en þú ferð í hring.

Hrafnsvarta hödd,
hvar ertu stödd?
Hrafnsvarta hödd.
Önnur er ásýnd þín
enda liðin nær öld.
Hrafnsvarta hödd,
hvít sem mjöll.

Staðreyndin er sú
að við deyjum.
Niðurstaðan sú
að þú lifir og lifir.

[af plötunni Nýdönsk – Hunang]