Á sama tíma að ári

Á sama tíma að ári
(Lag og texti: Björn Jr. Friðbjörnsson)

Þú varst rennandi blaut
í miðjum pollinum
þegar loksins ég skaut
upp kollinum
en þú komst svo seint,
sumir þurfa að millilenda,
samt var flogið beint,
velkomin á leiðarenda.

Mikið var það gott að þú skyldir koma,
mikið var það gott að þú gast
tekið á móti mér,
mikið var það gott að þú vildir
koma til mín.

Í kveðju þinni stirnir af
votu hvarmatári,
ég sé þig nú samt örugglega
á sama tíma að ári.

Hvað ég saknaði þess
að finna fyrir þér,
síðan þú sagðir bless,
hefur enginn haft fyrir mér
en það er ekki svo langt
síðan ég kom hér síðast,
kannski finnst þér rangt
af mér á gestrisninni að níðast.

Í næsta skipti stirnir kannski
af stöku gráu hári,
ég sé þig alveg örugglega
á sama tíma að ári,

[af plötunni Nýdönsk – Freistingar]