Deluxe

Deluxe
(Lag og texti: Björn Jr. Friðbjörnsson)
 
Allt þetta polyester  plast og prjál
grefur um sig í minni sál.
Heldur vildi ég panta
góða málma, tré og stál.

Gerviávextir, gúmmíblóm,
gyllta harðplastið fögur sjón.
Heldur vildi ég panta
ekta gull ef við verðum hjón.

Því bið ég láttu mig fá
að snerta þig ef ég má
og ef þú verður mér góð
færðu hold og blóð.
Samt máttu gera þér ljóst
alls engin silicon brjóst
láttu mig sjá.

Deluxe

Kristalsharðplast í demants stað,
sakkarín sett í gúmmelað,
eðalvín sett í mjólkurglas,
græna flötin er gervigras.

Silkikjólar úr satíni,
líkamshlutar úr latexi,
karlmaður orðinn konugrey,
saumuð saman í hreina mey.

Því bið ég láttu mig fá
að snerta þig ef ég má
og ef þú verður mér góð
færðu hold og blóð.
Samt máttu gera þér ljóst
alls engin silicon brjóst
láttu mig sjá.

Deluxe

[af plötunni Nýdönsk – Deluxe]