Frelsi til að velja

Frelsi til að velja
(Lag og texti: Bubbi Morthens)
 
Á vængjum frelsis frjáls þú ert,
þú flýgur út í bláinn.
Þekkja sitt hjarta mest um vert,
að fljúga var alltaf þráin.

Svo svífðu þangað sem vilt þú fara
og ef einhver spyr þá af því bara,
skaltu svara og svífa hærra.
Ég hafði frelsi til að velja.

Á vængjum ástar allt þitt er,
ástin er eina raunin
sem fær þig til fylgdar hvert sem hún fer
frjálsan og nakinn út í bláinn.

Svo svífðu þangað sem vilt þú fara
og ef einhver spyr þá af því bara,
skaltu svara og svífa hærra.
Ég hafði frelsi til að velja.

[af plötunni Bubbi Morthens – Fjórir naglar]