Lína Dröfn

Lína Dröfn
(Lag / texti: Sigurður Bjóla og Valgeir Guðjónsson)

Við ólumst upp við skark og sköll
í sama húsi og hún Lína Dröfn,
drógum fisk úr söltum sjó
en Lína seldi bændum Bítlaskó
samkvæmt kaupfélagsins skikk.

Og til að drepa tímann
svaraði hún í símann
á stöðinni eftir mat.

Þeir mændu á hana og vildu fá hana,
börn og afar veðjuðu‘ á hana
en hún var stolt og stabíl mær,
sat við sauma heimakær
samkvæmt kaupfélagsins smekk.

Og til að drepa tímann
svaraði hún í símann
hjá Jónasi eftir mat.

Einn sumardag kom bátur að,
engum fannst neitt til um það,
svo sigldi hann burt – á pollanum
sat Lína með lítinn polla í maganum
samkvæmt stýrimannsins skikk.

Og til að drepa tímann
svarar hún í símann
og lætur sem ekker sé.

[af plötunni Spilverk þjóðanna – Bráðabirgðabúgí]