Myndbrot

Myndbrot
(Lag og texti: Bubbi Morthens)

Þar sem auðnin og sandurinn þekur allt.
Þar sem sólin skín en samt er þar kalt.
Þar sem jökullinn hörfar hvern einasta dag
heyrði ég sungið svo fallegt lag.
Það var engill sem sat á svörtum stein
og röddin var svo björt, tær og hrein.
Ég vil þig, ég vil þig ekki.
Ég vil þig, ég vil þig ekki.
Og ég sat og ég hlustaði um stund.

Þar sem brimaldan flæðir upp á land.
Þar sem æska þín er grafin í sand.
Þar sem strákar og stelpur fóru í slag
heyrði ég sungið svo fallegt lag.
Það var engill í rólu að róla sér
og röddin ljúfa settist í hjarta mér.
Ég vil þig, ég vil þig ekki.
Ég vil þig, ég vil þig ekki.
Og ég sat og ég hlustaði um stund.

Þar sem fortíð og framtíð mætast nú
og hið fagra og ljóta byggja þar brú.
Yfir óttann þar er dagurinn þinn.
Heyrði ég aftur fallega sönginn..
Þar var engill sem sat uppi í grænni hlíð
og röddin var svo mjúk, heit og blíð.
Ég vil þig, ég vil þig ekki.
Ég vil þig, ég vil þig ekki.
Og ég sat og ég hlustaði um stund.

Þar sem dauðinn og lífið leika hvern dag
leggja allt undir fyrir hvern einasta slag,
þar óskir þínar fljúga svo hátt.
Heyrði ég sungið svo dapurt og lágt.
Það var engill sem átti þennan bláa söng
og röddin minnti mig á kvöldin löng.
Ég vil þig, ég vil þig ekki.
Ég vil þig, ég vil þig ekki.
Og ég sat og ég hlustaði um stund.

[af plötunni Bubbi Morthens – Fjórir naglar]