Óðurinn um árans kjóann, hann Jóhann

Óðurinn um árans kjóann, hann Jóhann
(Lag / texti: erlent lag / Jónas Árnason)

Ég eignaðist fádæma úrillan mann,
ég ætti því sjálfsagt að skilja við hann.

viðlag
En ég elska’ hann Jóhann,
árans kjóann,
jafnvel þó hann
sé eins og hann er.

Hann heldur að guð hafi’ af gæsku við mig,
mér gefið það hlutverk að stjana við sig.

viðlag

Og kjöt vill hann ólmur fá á hvern sinn disk,
en ef hann fær kjöt – ja, þá heimtar hann fisk.

viðlag

Og ég verð að kveikja hans kvöldpípu í
því kannski hann gæti sig ofreynt á því.

viðlag

Ég giftist í sumar í sólgulum kjól,
hann seldi þann kjól fyrir viskí og rjól.

viðlag

Hann sefur með æðarsæng ofan á sér,
og einlægt hann rænir þó teppinu’ af mér.

viðlag
&nbsp
Hann tjáði mér ást sína’ af eldmóði fyrst,
en eilífð er síðan hann hefur mig kysst.

viðlag

[m.a. á plötunni Óskastundin 4 – ýmsir]