Samkór Sauðárkróks [1] (1966-71)

Samkór Sauðárkróks

Tveir blandaðir kórar störfuðu á Sauðarkróki með skömmu millibili á sjöunda og áttunda áratug síðustu aldar undir nafninu Samkór Sauðárkróks, þó alls ótengdir hvorir öðrum.

Það var Jón Björnsson organisti og tónskáld frá Hafsteinsstöðum í Skagafirði sem stofnaði Samkór Sauðárkróks hinn fyrri haustið 1966 og starfaði sá kór undir stjórn hans í fimm ár eða til ársins 1971. Kórinn sem mun hafa sungið blandaða kóratónlist söng á ýmsum söngskemmtunum og tónleikum í heimabyggð, og var Sæluvika þeirra Skagfirðinga e.t.v. líklega helsti vettvangur kórsins til að koma fram.