Hljómsveitin Venus starfaði í Mosfellssveit árið 1977 en hún var skipuð tónlistarmönnum á grunnskólaaldri og spilaði sveitin m.a. á skólaböllum, tveir þeirra áttu síðar eftir að koma við sögu Gildrunnar. Meðlimir sveitarinnar voru þeir Karl Tómasson trommuleikari, Hafþór Hafsteinsson orgelleikari, Þórhallur Árnason gítarleikari og Erlendur Örn Fjeldsted Sturluson bassaleikari.
Danshljómsveitin Venus starfaði á Ólafsfirði vorið 1983. Óskað er eftir upplýsingum um þessa sveit, starfstíma hennar sem og meðlima- og hljóðfæraskipan.
Hljómsveit sem bar nafnið Venus starfaði á Rifi á Snæfellsnesi um ríflega áratugar skeið í kringum síðustu aldamót og lék einkum á dansleikjum á heimaslóðum. Venus var stofnuð haustið 1993 en stofnmeðlimir hennar voru nokkrir vinnufélagar sem störfuðu við beitningar á Rifi, aðeins einn þeirra hafði þá reynslu af spilamennsku í hljómsveitum en það var…
Venus kvartettinn starfaði árið 1960 í ársbyrjun, líklega í fáeinar vikur. Engar upplýsingar finnast um meðlimi kvartettsins en söngvararnir Þór Nielsen og Harald G. Haralds sungu með sveitinni.
Haustið 1991 kom tríóið Ver iss mæ her fram opinberlega í fyrsta og eina skiptið þegar þeir félagar fluttu frumsamið efni sem þeir kölluðu sinfónískt rokk, í bland við aðra tónlist á Blúsbarnum. Ver iss mæ her skipuðu þrír félagar úr Sinfóníuhljómsveit Íslands, þeir Roland Hartwell fiðluleikari sem þarna var í hlutverki gítarleikara, Steef van…
Vera Roth kvikmyndagerðar- og myndlistamaður (fædd 1963) gaf út árið 1979 nokkuð sérstæða plötu hjá útgáfufyrirtæki fjölskyldunnar Roth‘s Verlag, líkt og fleiri í fjölskyldunni hafa gert bæði fyrr og síðar. Vera var aðeins sextán ára þegar platan kom út en innihald hennar var „einfaldlega píanóglamur eftir Veru og upptaka af henni og Dieter að kjafta…
Vera Roth – Vera Roth Útgefandi: Roth útgáfan Útgáfunúmer: [án útgáfunúmers] Ár: 1979 1. [án titils] 2. [án titils] Flytjendur: Vera Roth – píanó
Útgáfufyrirtækið Veraldarkeröld starfaði á árunum 1990-95 og sendi frá sér á þeim tíma fjóra titla, þrjá í Strump-seríunni svokölluðu sem hafði að geyma blandaða jaðartónlist, og eina sjö tommu vínylplötu með hljómsveitinni Tilbura en forsprakki útgáfunnar, Magnús Axelsson var bassaleikari í þeirri sveit. Veraldarkeröld gáfu einnig út eina bók eða tímarit með efni eftir Magnús.
Upplýsingar óskast um kór starfandi árið 1985, sem gekk undir nafninu Verkalýðskórinn í Borgarnesi.
Hljómsveitin Verkfall átti tvö lög á safnplötunni Strump í fótinn sem kom út haustið 1995. Sveitin spilaði eins konar frum-techno eins og það var skilgreint í plötuumfjöllun en engar upplýsingar finnast um Verkfall að öðru leyti, þó gæti Ólafur Björn Ólafsson (ÓBÓ) hafa verið trymbill sveitarinnar. Frekar upplýsingar óskast um þessa sveit.
Hljómsveit sem sögð var heita Veryneat kom fram á tónleikum í Rósenberg-kjallaranum vorið Tríóið Veryneat starfaði í um eitt ár og kom fram opinberlega í eitt skipti, í Rósenberg-kjallaranum vorið 1995. Meðlimir sveitarinnar voru þeir Pétur Heiðar Þórðarson gítarleikari (Bless, Dýrið gengur laust o.fl.), Ingimar Bjarnason bassaleikari (Örkuml o.fl.) og Eddi Jónsson trommuleikari. Veryneat tók…
Hljómsveitin Veröld birtist sumarið 1992 á safnplötunni Bandalög 5 með lag sitt, Kúturinn en meira heyrðist ekki frá sveitinni. Veröld var stofnuð haustið 1991 og var markmiðið þá að koma út lagi sumarið eftir, það gekk eftir sem fyrr segir en lagið vakti ekki mikla athygli, um var að ræða eins konar popprokk og í…
Pönkhljómsveitin Vespré starfaði á Húsavík um eins árs skeið í lok níunda áratugs síðustu aldar en nafn sveitarinnar á sér augljósa skírskotun í samnefnd dömubindi. Vespré var stofnuð 1989 og voru meðlimir hennar Guðmundur Svafarsson söngvari, Heimir Kristinsson bassaleikari, Þormóður Aðalbjörnsson gítarleikari og Gauti Þór Grétarsson trymbill. Sveitin lék á tvennum tónleikum nyrðra en þar…
Tríóið Vestanhafs lék blúsrokk af ýmsu tagi á öldurhúsum höfuðborgarinnar og landsbyggðarinnar árið 1997, og fór þar víða. Meðlimir sveitarinnar voru þeir Björgvin Gíslason gítarleikari, Jón Björgvinsson trommuleikari og Jón Kjartan Ingólfsson bassaleikari og söngvari.
Hljómsveit að nafni Verðir laganna var starfrækt í kringum 1990, reyndar er ekki ljóst hvort um eina sveit, tvær eða jafnvel þrjár var að ræða. Árið 1987 var sveitin stofnuð og starfaði hún fram eftir árinu 1988, fjórir meðlimir skipuðu þessa sveit en hún lék m.a. í nokkur skipti á Broadway. Árið 1990 lék sveit…
Nokkrar heimildir er að finna um kór undir nafninu Verkalýðskórinn. Enginn kór virðist beinlínis hafa borið þetta heiti, utan þess að Karlakór Akureyrar mun hafa gengið undir þessu nafni fyrstu mánuðina sem hann starfaði (árið 1929). Líklegast hlýtur að teljast að kórar eins og Alþýðukórinn (Söngfélag verkalýðsins), Karlakór verkamanna, Karlakór Dagsbrúnar eða jafnvel einhver/jir hinna…
Vestmannakórinn svokallaði starfaði í Vestmannaeyjum í áratugi á síðustu öld og var gerður góður rómur að þessum blandaða kór. Kórinn starfaði í fjölmörg ár áður en hann hlaut í raun nafn og hvað þá skipulagða starfsemi en hann var fyrst settur saman í tilefni af aldarafmæli Jóns Sigurðssonar árið 1911, þá var efnt til hátíðahalda…
Um eða eftir aldamótin 1900 mun hafa verið starfandi kór á Vopnafirði sem bar heitið Vesturbyggðarkórinn. Engar upplýsingar finnast um þennan kór en þeir sem lumuðu á upplýsingum um hann mættu gjarnan senda Glatkistunni línu.
Hljómsveitin Vesturfararnir varð til haustið 1987 þegar þrír brottfluttir Bílddælingar fengu það verkefni að setja saman hljómsveit fyrir árshátíð Leikfélagsins Baldurs á Bíldudal. Þremenningarnir voru þeir Gísli Ragnar Bjarnason gítarleikari, Helgi Hjálmtýsson bassaleikari og Þórarinn Hannesson gítarleikari og söngvari en auk þeirra léku á árshátíðinni feðgarnir Ástvaldur Hall Jónsson hljómborðsleikari og Viðar Örn Ástvaldsson trommuleikari…
Veitinga- og skemmtistaðurinn Vetrargarðurinn var með allra vinsælustu dansstöðum sem starfræktur hefur verið í Reykjavík en hann var um leið umdeildur vegna orðspors sem af honum fór. Vetrargarðurinn var hluti af Tívolíinu í Vatnsmýrinni sem einnig naut mikilla vinsælda um tíma, Upphafið má rekja aftur til stríðsloka en árið 1945 stofnuðu nokkrir menn hlutafélag utan…
Tríó sem gekk undir nafninu Veturliði, Sumarliði & Yfirliði kom í nokkur skipti fram vorið 1976 á tónlistarsamkomum í höfuðborginni, ásamt fleiri sveitum. Reyndar var nokkuð á reiki hver röð nafnanna var í fjölmiðlum en röðin var jafn misjöfn og fjöldi umfjallana um sveitina. Meðlimir tríósins, sem mun hafa leikið djassskotna tónlist, voru þeir Pétur…
Óskað er eftir upplýsingum um hljómsveit, að nokkrum líkindum starfandi árið 1989, sem bar hið einkennilega nafn Vér eðlum oss.
Árið 1972 kom fram hljómsveit í Tónabæ sem bar nafnið Við. Sveitin var þar að koma fram í fyrsta skipti og var sögð vera frá Keflavík en þar með er allt upptalið sem liggur fyrir um hana. Allar frekari upplýsingar óskast því um sveitina.
Meistarar dauðans – Lög þyngdaraflsins Askur games AG 002, 2018 Tríóið Meistarar dauðans sendi árið 2015 frá sér tíu laga plötu samnefnda sveitinni og vakti hún töluverða athygli og aðdáun þó ekki væri nema fyrir það hversu ungir meðlimir þess voru en yngsti meðlimur sveitarinnar, trymbillinn Þórarinn Þeyr Rúnarsson var þá einungis tólf…
Fremur litlar upplýsingar finnast um fönksveitina Vampiros sem lék instrumental tónlist en hún átti rætur sínar að rekja til Dalvíkur. Sveitin var stofnuð 1997 og gekk í fyrstu undir nafninu Vampiros lesbos, meðlimir sveitarinnar voru þeir Arnþór Benediktsson bassaleikari, Andrés Benediktsson trommuleikari (bræður), Hörður Hermann Valsson gítarleikari og Stefán [?] hljómborðleikari. Benedikt Brynleifsson trommuleikari (200.000…
Söngvarinn og gítarleikarinn Valur Emilsson úr Keflavík kom við sögu í tveimur vinsælum hljómsveitum á sjöunda og áttunda áratug síðustu aldar en var lítið viðloðandi tónlist að öðru leyti. Valur Emilsson (f. 1947) vakti fyrst athygli með hljómsveitinni Óðmönnum (hinum fyrri) sem stofnuð var í Keflavík um áramótin 1965-66, þar var hann gítarleikari en sveitin…
Það fer ekki mikið fyrir hljómsveitinni Vönum mönnum í íslenskri tónlistarsögu en þessi sveit lék um árabil á dansstöðum borgarinnar auk þess að vera öflug á árshátíðarmarkaðnum, þá komu út nokkur lög með sveitinni á safnplötum. Vanir menn komu fyrst við sögu árið 1990 og virðist hafa spilað nokkuð stopult opinberlega framan af. Sveitina skipuðu…
Allar upplýsingar um hljómsveit sem bar nafnið Vanir menn að austan, sem starfaði árið 1990, væru vel þegnar. Þessi sveit lék á tónleikum á Norðfirði sem haldnir voru undir merkjum Rokkskóga-átaksins sem þá var í gangi, en hugsanlegt er að hún hafi verið sett saman fyrir þá tónleika einvörðungu.
Söngflokkurinn Vanir menn og villtar meyjar komu fram á skemmtun í Neskaupstað árið 1991, og önnuðust einnig undirleik. Óskað er eftir upplýsingum um flokkinn.
Hljómsveitin Varð var starfandi 1998 og keppti það árið í Rokkstokk hljómsveitakeppninni í Keflavík og lenti þar reyndar í öðru sæti. Sveitin átti lög á safnplötunni Rokkstokk 1998, sem gefin var út í kjölfarið. Meðlimir Varð voru Hallvarður Ásgeirsson söngvari og gítarleikari, Jón Indriðason trommuleikari, Georg Bjarnason bassaleikari og Brynjar M. Ottósson gítarleikari.
Varðeldakórinn var ekki starfandi kór en ein plata leit þó dagsins ljós með honum. Það var Svavar Gests sem hafði veg og vanda af útgáfu plötu Varðeldakórsins en hann var skipaður tíu röddum úr Silfurkórnum sem naut mikilla vinsælda á árunum 1977 til 80, Svavar hafði sjálfur verið skáti á sínum yngri árum. Platan kom…
Varðeldakórinn – Skátasöngvar: Varðeldakórinn syngur 25 vinsæl skátasöngva Útgefandi: SG-hljómplötur Útgáfunúmer: SG 148 / 808 Ár: 1981 1. Göngusöngvar: Hæ, meiri söng og yndi / Þegar vorsólin leikur um vangana á mér: þýskt þjóðlag 2. Þegar sólin og vorið á veginum hlær 3. Dagsins besta melódí 4. Gleðisöngvar: Með sól í hjarta / Sjá, vetur…
Árið 1961 kom út lítil plata gefin út af Skátafélagi Reykjavíkur og Hljóðfæraverzlun Sigríðar Helgadóttur, en hún hafði að geyma varðeldasöngva sungna af skátaflokki undir stjórn og undirleik Pálmars Ólasonar. Engar frekari upplýsingar er að finna um flokkinn og þær eru mjög af skornum skammti á plötuumslagi. Efni á plötum
Varðeldasöngvar skáta [ep] Útgefandi: Skátafélag Reykjavíkur / Hljóðfæraverzlun Sigríðar Helgadóttur Útgáfunúmer: HSH45 1013 Ár: 1962 1. Varðeldasöngvar 1 2. Varðeldasöngvar 2 Flytjendur: Skátaflokkur – söngur Pálmar Ólason – undirleikur
Hljómsveitin Vei var starfandi árið 1999 og tók það árið þátt í Rokkstokk hljómsveitakeppninni í Keflavík. Sveitin komst í úrslit keppninnar og endaði í þriðja sæti, og komu því út tvö lög með henni á safnplötunni Rokkstokk 1999. Engar upplýsingar er að finna um meðlimi þessarar sveitar, starfstíma né annað og er því hér með…
Varnaglarnir var hljómsveit sett saman snemma árs 1987 í tilefni af átaki Landlæknisembættisins gegn eyðnismiti, sveitin mun þó ekki hafa komið fram opinberlega heldur einungis tekið upp eitt lag sem hlaut nafnið Vopn og verjur. Í laginu var hvatt til smokkanotkunar til að sporna gegn eyðnismiti og samhliða því voru gefin út veggspjöld þar sem…
Hljómsveitin Varúð starfaði í nokkra mánuði árið 1970 og lék nokkuð á dansleikjum, mest líklega þó hjá varnarliðinu á Keflavíkurflugvelli. Sveitin var sextett og meðlimir hennar voru Erlingur H. Garðarsson bassaleikari, Hreiðar Sigurjónsson saxófón- og klarinettuleikari, Pétur S. Hallgrímsson trommuleikari, Ásgeir Valdimarsson gítarleikari, Smári Haraldsson orgelleikari og Sigrún Sigmarsdóttir söngkona. Þegar Sigrúnu bauðst að ganga…
Hljómsveitin Vaxandi starfaði á höfuðborgarsvæðinu 1986-87, hún var skipuð ungum meðlimum um og innan við tvítugt og var stofnuð upp úr hljómsveitinni Presleyvinafélaginu sem aftur hafði verið stofnuð innan Skólalúðrasveitar Árbæjar og Breiðholts. Tveir meðlimir Vaxandi urðu þjóðþekktir söngvarar. Meðlimir sveitarinnar munu hafa komið víða að, úr Árbænum, Breiðholtinu og Kópavogi en alls voru þeir…
Hér er óskað eftir upplýsingum um hljómsveit starfandi á Akureyri árið 1965 undir nafninu Vaxmyndasafnið. Tveir bræður voru meðal meðlima en ekkert annað liggur fyrir um þessa sveit.
Hljómsveitin Vá! var skammlíf sveit, stofnuð upp úr Fræbbblunum þegar sú sveit hætti störfum vorið 1983. Vá! starfaði í nokkra mánuði um vorið og sumarið en lagði síðan upp laupana eftir einhverjar mannabreytingar. Megnið af meðlimum Fræbbblanna munu hafa verið í sveitinni framan en í síðustu útgáfu hennar voru Stefán Guðjónsson trommuleikari, Steinþór Stefánsson bassaleikari,…
Hljómsveit starfaði á höfuðborgarsvæðinu um sumarið og haustið 1969 undir nafninu Veiran. Sveitin er í tvígang auglýst í fjölmiðlum, annars vegar á dansleik í Kópavogsbíói, hins vegar í Tónabæ, en engar heimildir finnast um meðlimi Veirunnar.
Valdimar Auðunsson var kunnur harmonikkuleikari og lagahöfundur hér á árum áður, og reyndar hefur eitt laga hans orðið sígilt í meðförum Bjarkar Guðmundsdóttur og fleiri. Valdimar Jónsson Auðunsson (f. 1914) var frá Dalseli í Vestur-Eyjafjallahreppi og var einn fjölmargra systkina sem flest voru músíkölsk. Hann komst fyrst í kynni við harmonikku á æskuheimili sínu í…
Ástartöfrar: lög Valdimars J. Auðunssonar harmóníkuleikara í flutningi ýmissa listamanna – ýmsir Útgefandi: Afkomendur Valdimars J. Auðunssonar Útgáfunúmer: VJA 001 Ár: 1996 1. Bryndís S. Valdimarsdóttir – Ástartöfrar 2. Björgvin Ploder – Ráðskonuræll 3. Berglind Björk Jónasdóttir – Haust 4. Grettir Björnsson og Grétar Geirsson – Sunnudagskvöld 5. Gísli Magnússon – Vegna minninganna 6. Söngsystur…
Valdimar Örnólfsson og Magnús Pétursson – Morgunleikfimi Valdimars og Magnúsar Útgefandi: [engar upplýsingar] Útgáfunúmer: [án útgáfunúmers] Ár: 1982 1. Morgunleikfimi 3×10 mínútur 2. Morgunleikfimi 30 mínútur Flytjendur: Valdimar Örnólfsson – stjórnar morgunleikfimi Magnús Pétursson – píanó
Valgarður Guðjónsson söngvari Fræbbblanna var eitt helsta andlit íslensku pönksenunnar um og eftir 1980 en sveitin er enn starfandi. Valgarður Þórir Guðjónsson (f. 1959) bjó í Kópavoginum og í Menntaskólanum í Kópavogi urðu Fræbbblarnir til þegar hann og nokkrir félagar hans lentu upp á kant við rektor og ákváðu að vera með skemmtiatriði á Myrkramessu…
Hljómsveit sem bar nafnið Vallasex var skráð til leiks í hljómsveitakeppni sem haldin var í Húsafelli um verslunarmannahelgina 1987. Engar upplýsingar finnast um þessa sveit en þær væru vel þegnar.
Hljómsveitin Valdimar Örn Flygenring og Hendes verden starfaði í um eitt ár árið 1991 og sendi frá sér eina plötu. Hendes verden var hugarfóstur Valdimars Arnar Flygenring leikara og hálfgert sólóverkefni en hún var stofnuð í upphafi ársins 1991 og var þá tríó, Halldór Lárusson trommuleikari og Björn Vilhjálmsson bassaleikari skipuðu þá sveitina með Valdimari…
Valdimar Örn Flygenring og Hendes verden – Kettlingar Útgefandi: PS músík Útgáfunúmer: PS91042 / PS 91041 Ár: 1991 1. Kettir 2. Miðja heimsins 3. Kikkstart 4. Ég vil ekki neitt 5. Allt er kalt 6. Draumar 7. Blessaður 8. Það sem er 9. Í litlum bæ 10. Hrønn Flytjendur: Valdimar Örn Flygenring – gítar, munnharpa,…
Einn allra vinsælasti útvarpsþáttur allra tíma í Ríkisútvarpinu var Morgunleikfimi Valdimars Örnólfssonar og Magnúsar Pétursson en hann þótt mörgum ómissandi þáttur í daglegri rútínu fólks. Þættirnir voru ekki fyrsta tilraunin í þá áttina hjá Ríkisútvarpinu en bæði Valdimar Sveinbjörnsson og Benedikt Jakobsson höfðu verið með sambærilega þætti í fáeina mánuði hvor, Valdimar árið 1934 og…
Snemma vors 1982 birtist í plötubúðum tveggja laga sjö tomma með hljómsveitinni Valla og víkingunum sem enginn þekkti deili á. Annað lagið, Úti alla nóttina (sem var upphaflega sænskur slagari) varð strax þokkalega vinsælt (og heyrist reyndar stöku sinnum ennþá spilað á útvarpsstöðvunum) en hitt lagið, Til í allt vakti minna athygli. Platan fékk ágæta…
Glatkistan 