Vampiros (1997-2003)

Fremur litlar upplýsingar finnast um fönksveitina Vampiros sem lék instrumental tónlist en hún átti rætur sínar að rekja til Dalvíkur.

Sveitin var stofnuð 1997 og gekk í fyrstu undir nafninu Vampiros lesbos, meðlimir sveitarinnar voru þeir Arnþór Benediktsson bassaleikari, Andrés Benediktsson trommuleikari (bræður), Hörður Hermann Valsson gítarleikari og Stefán [?] hljómborðleikari.

Benedikt Brynleifsson trommuleikari (200.000 naglbítar o.fl.) tók við af Andrési árið 2000 og var trymbill sveitarinnar í um ár þegar Valli [?] tók við. Annar hljómborðsleikari, Róbert [?] kom einnig eitthvað við sögu sveitarinnar sem og Lára Sólveig Jóhannsdóttir fiðluleikari, hugsanlega fleiri.

Vampiros lék víða á norðanverðu landinu en einnig á tónlistarhátíðinni Reykjavík music festival sumarið 2000, sveitin starfaði til ársins 2003.