Unglingahljómsveit undir nafninu The Fun kids starfaði vorið 1996 og lék þá á tónleikum í Hafnarfirði sem báru yfirskriftina Kaktus ´96. Glatkistan óskar eftir upplýsingum um þessa sveit, starfstíma hennar, meðlimi og hljóðfæraskipan en líklegt hlýtur að teljast að hún hafi verið hafnfirsk.
Kór hefur verið starfandi við Fríkirkjuna í Hafnarfirði á aðra öld þótt upplýsingar liggi ekki fyrir nákvæmlega um hvenær hann var stofnaður eða hvort hann hefur starfað alveg samfleytt, í þessari umfjöllun er gert ráð fyrir að hann hafi starfað frá stofnun kirkjunnar árið 1913 en Fríkirkjan var fyrsta kirkjan sem reist var í Hafnarfirði.…
Friðrik Bjarnason mætti með réttu kalla föður hafnfirsks tónlistarlífs en hann kom að stofnun og stjórnun fjölmargra kóra í bænum, gegndi organistastörfum og söngkennslu auk þess að semja fjöldann allan af sönglögum sem margir þekkja. Friðrik fæddist á Stokkseyri haustið 1880 og bjó þar fyrstu tuttugu ár ævi sinnar. Hann hafði snemma áhuga á tónlist…
Upplýsingar óskast um karlakór sem starfaði í Hafnarfirði á fyrri hluta tuttugustu aldar undir stjórn Friðriks Bjarnasonar en hann var áberandi í tónlistarlífi bæjarins um árabil. Engar upplýsingar er að finna um hvenær nákvæmlega þessi kór starfaði en Friðrik var búsettur í Hafnarfirði frá 1908, ekki er um að ræða Barnakór Barnaskóla Hafnarfjarðar (sem gekk…
Óskað er eftir upplýsingum um hljómsveit sem gekk undir nafninu Flamingo kvintettinn. Vitað er að hljómsveit undir þessu nafni starfaði í Hafnarfirði undir lok sjötta áratugar 20. aldarinnar og var Viðar Hörgdal Guðnason harmonikkuleikari einn meðlima hennar. Sveit með þessu nafni lék á dansleik á Hótel Hveragerði vorið 1959 og er líklegt að um sömu…
Hafnfirska hljómsveitin Flasa starfaði á síðari hluta tíunda áratugar síðustu aldar og var m.a. meðal þátttökusveita í Músíktilraunum. Ekki liggur fyrir hvenær Flasa var stofnuð en hún var vorið 1996 farin að leika nokkuð opinberlega á heimaslóðum í Hafnarfirði, m.a. á tónleikunum Kaktus ´96. Ári síðar, vorið 1997 keppti sveitin í Músíktilraunum Tónabæjar og voru…
Glatkistan óskar eftir upplýsingum um hljómsveit, sem að öllum líkindum var hafnfirsk, og gekk undir nafninu Fjórir fjórðu. Sveitin starfaði á árunum 1991 og 92, keppti fyrra árið í hljómsveitakeppni sem haldin var á vegum Nillabars en hún starfaði fram á árið 1992 að minnsta kosti. Engar upplýsingar finnast um meðlimi Fjögurra fjórðu en líklega…
Margt er á huldu varðandi hljómsveit sem kenndi sig við íþróttafélagið FH í Hafnarfirði og gekk undir nafninu FH-bandið. FH-bandið mun hafa verið stofnuð fyrir árshátíð FH árið 1974 og virðist meira og minna hafa verið söngsveit fyrstu árin sem hún starfaði. Það var svo árið 1990 sem sveitin (sem hljómsveit) sendi frá sér átta…
Hljómsveitin Fendrix var meðal keppenda í Músíktilraunum Tónabæjar og Hins hússins vorið 2003 en sveitin hafði að líkindum verið stofnuð haustið á undan í Setbergsskóla í Hafnarfirði. Meðlimir Fendrix voru þeir Sigurður Ragnar Haraldsson gítarleikari, Kristinn Þór Kristinsson bassaleikari, Páll Fannar Pálsson söngvari og gítarleikari, Brynjar Björn Ingvarsson gítarleikari og Friðrik Dór Jónsson trommuleikari. Fendrix…
Kammerkórinn A Cappella var stofnaður á haustdögum 2006 af Guðmundi Sigurðssyni sem þá var nýkominn til starfa í Hafnarfjarðarkirkju en hann hafði fáeinum mánuðum áður stofnað sams konar kór við Bústaðakirkju undir saman nafni. A Cappella söng við guðsþjónustur en einnig á almennum tónleikum í Hafnarfirði og starfaði eitthvað fram á árið 2008.
Sönghópurinn A Capella hafnaði í þriðja sæti Karaoke-keppni Hafnarfjarðar en sú keppni fór fram snemma árs 2003. A Capella kom úr félagsmiðstöðinni Öldunni í Hafnarfirði og voru meðlimir hópsins þær Líney Dan Gunnarsdóttir, Svanhvít Júlíusdóttir, María Lovísa Guðjónsdóttir og Eva Guðrún Torfadóttir. Ekki liggur fyrir hveru lengi þær stöllur störfuðu.
Sönghópur sem bar heitið A Capella söng í hátíðarguðsþjónustu í Hafnarfirði um jólin 2014, um var að ræða kvartett söngfólks og voru meðlimir hans Þóra Björnsdóttir, Jóhanna Ósk Valsdóttir, Örvar Már Kristjánsson og Hjálmar P. Pétursson. Engar upplýsingar er að finna um hvort A Capella starfaði um lengri tíma eða aðeins kringum þessa einu guðsþjónustu.
Tveir félagar úr Hafnarfirði, Gunnar Friðþjófsson og Halldór Guðjónsson starfræktu um tveggja ára skeið að minnsta dúettinn Gunni og Dóri, það samstarf hófst líklega árið 1973 innan KFUM starfsins í Hafnarfirði en þeir munu hafa verið saman einnig í Drengjalúðrasveit Hafnarfjarðar. Gunni og Dóri komu margsinnis fram og skemmtu opinberlega með eins konar þjóðlagapoppi og…
Óskað er eftir upplýsingum um Gleðigjafa, hljómsveit sem starfaði innan sunnudagaskóla Hafnarfjarðarkirkju og mun hafa verið skipuð leiðtogum skólans. Fyrir liggur að sveitin starfaði að minnsta kosti á árunum 2004 til 09 og að Edgar Smári Atlason söng oft með henni, en annað er óljóst um Gleðigjafana, s.s. hverjir skipuðu sveitina, hversu lengi hún starfaði…
Óskað er eftir upplýsingum um hljómsveit (hugsanlega unglingasveit) úr Hafnarfirði en hún mun hafa verið starfandi sumarið 2005. Upplýsingar um meðlimi, hljóðfæraskipan, starfstíma og annað áhugavert má senda Glatkistunni með fyrirfram þökk.
Glasnost var hljómsveit líklega starfandi í Hafnarfirði og hér er giskað á að hún hafi verið í rokkaðri kantinum. Sveitin spilaði á styrktartónleikum á vegum Leikfélags Hafnarfjarðar vorið 1992, engar upplýsingar er að finna um meðlimi hennar eða hljóðfæraskipan og er óskað eftir þeim hér með.
Hljómsveit sem bar nafnið Gálgafrestur starfaði á fyrri hluta áttunda áratugarins, líklega í kringum 1973 í Hafnarfirði. Engar upplýsingar finnast um þessa sveit og því mættu lesendur Glatkistunnar gjarnan miðla þeim til síðunnar ef þeir hefðu einhverjar.
Hljómsveit sem bar nafnið Gáfnaljósin keppti í söngvakeppni Vísnavina 1987 en sveitin var skipuð nemendum úr Flensborgarskóla í Hafnarfirði. Meðlimir Gáfnaljósanna voru Örn Arnarsson söngvari og gítarleikari, Rúnar Óskarsson söngvari og gítarleikari, S. Björn Blöndal bassaleikari, Örn Hrafnkelsson söngvari og Óttarr Proppé söngvari og básúnuleikari. Sveitinni var lítt ágengt í þessari keppni. 1991 var hljómsveit…
Upplýsingar um hljómsveitina Moskvítsj úr Hafnarfirði eru af fremur skornum skammti en hún virðist hafa komið fyrst fram opinberlega þegar hún keppti í Músíktilraunum Tónabæjar vorið 1993, sveitin komst ekki í úrslit keppninnar. Meðlimir hennar voru þá Þorvaldur Einarsson gítarleikari, Gísli Árnason bassaleikari og söngvari, Páll Sæmundsson gítarleikari og Björn Viktorsson trommuleikari. Sveitin hafði árið…
Óskað er eftir upplýsingum um hljómsveit sem bar nafnið MMT og starfaði í Hafnarfirði um eða fyrir 1990. Allar upplýsingar má senda Glatkistunni um meðlimi hennar, hljóðfæraskipan og líftíma.
Hafnfirska hljómsveitin Woofer vakti nokkra athygli rétt fyrir aldamótin síðustu en sveitin sendi þá á skömmum tíma frá sér smáskífu og breiðskífu, sveitin ól af sér tónlistarfólk sem síðan hefur staðið í fremstu röð. Sveitin var stofnuð í ársbyrjun 1997 í Hafnarfirði en hlaut ekki nafn fyrr en rétt áður en hún sté á svið…
Hljómsveitin Vígþryma starfaði í Hafnafirði í byrjun áttunda áratugar síðustu aldar, og var skipuð ungum hljóðfæraleikurum. Meðlimir Vígþrymu voru Björn Thoroddsen gítarleikari, Jónatan Garðarsson söngvari, Jón Trausti Harðarson bassaleikari og Svavar Ellertsson trommuleikari. Sveitin fór í gegnum mannabreytingar og tók þá upp nafnið IngiLár áður en hún varð að Laufinu, sem margir þekkja.
Hljómsveitin Víbrar kom úr Hafnarfirði og var starfandi 1991, það vorið tók sveitin þátt í Músíktilraunum Tónabæjar. Meðlimir sveitarinnar voru Númi [?] söngvari, Óskar I. Gíslason trommuleikari, Guðmundur Aðalsteinsson bassaleikari (Kórak o.fl.), Gunnar Þ. Jónsson gítarleikari (Sóldögg o.fl.) og Hákon Sveinsson hljómborðsleikari. Sveitin komst ekki áfram í úrslit keppninnar og hætti störfum fljótlega.
Víkingasveitin úr Hafnarfirði (einnig stundum nefnd Víkingarnir / Víkingabandið) mun hafa starfað í á þriðja áratug en sveitin var áberandi á víkingahátíðum hvers kyns hér á landi, oft í tenglum við Fjörukrána. Hún lék m.a. erlendis á slíkum hátíðum í Hafnarfirði en einnig í Svíþjóð og Þýskalandi, þá lék sveitin ennfremur á Íslendingahátíð vestan hafs…
Hljómsveitin Vaka starfaði í nokkra mánuði árið 1983 og lék mestmegnis frumsamið efni. Sveitin, sem starfaði í Hafnarfirði var stofnuð í janúar eða febrúar 1983 og starfaði fram á sumarið. Meðlimir Vöku voru þeir Gylfi Már Hilmisson söngvari og gítarleikari, Jón Trausti Harðarson bassaleikari, Smári Eiríksson trommuleikari, Jón Þór Gíslason söngvari og hljómborðsleikari og Sigurgeir…
Hljómsveitin Bræðrabandið úr Hafnarfirði hefur starfað síðan fyrir 1980 með hléum en hún var framan af kántrýsveit. Bræðrabandið var stofnað haustið 1979, nafn sveitarinnar kemur til af því að í henni eru tvennir bræður, Ingólfur Arnarson gítarleikari og Jón Kristófer Arnarson einnig gítarleikari, og Ævar Aðalsteinsson banjóleikari og Örvar Aðalsteinsson kontrabassaleikari. Allir munu þeir fjórmenningarnir…
Botnleðja er vafalaust með merkustu rokksveitum íslenskrar tónlistarsögu, sveitinni skaut hratt á stjörnuhimininn þegar hún sigraði Músíktilraunir og á eftir fylgdu draumar um meik í útlöndum og nokkrar plötur sem hlutu frábæra dóma og viðurkenningar. Haraldur Freyr Gíslason trommuleikari, Heiðar Örn Kristjánsson söngvari og gítarleikari og Ragnar Páll Steinsson bassaleikari, stofnuðu sveitina síðla árs 1994…
Unglingahljómsveitin Blend starfaði í Hafnarfirði í kringum 1990 og var einn af fyrirrennurum hljómsveitarinnar Botnleðju. Meðlimir hennar voru Haraldur F. Gíslason trommuleikari, Heiðar Örn Kristjánsson gítarleikari, Ragnar Páll Steinsson bassaleikari og Unnar [Bjarnason?] sem gæti hafa leikið á hljómborð. Óskað er eftir frekari upplýsingum um þessa sveit.
Barnakór Barnaskóla Hafnarfjarðar, einnig nefndur Friðrikskór starfaði í um tvö ár en hann var stofnaður Friðriki Bjarnasyni til heiðurs. Friðrik Bjarnason tónskáld hafði verið söngkennari við Barnaskólann í þrjátíu og sjö ár og á áttræðis afmæli hans haustið 1980 var ákveðið að stofna kór við skólann honum til heiðurs, undir stjórn Jóns Ásgeirssonar sem þá…
Barna- og unglingakór Hafnarfjarðarkirkju hefur starfað líklega frá haustinu 1990, fyrst undir stjórn Brynhildar Auðbjargardóttur (1990-95) en síðan undir stjórn Hrafnhildar Blomsterberg og Helgu Loftsdóttur en frá því um aldamótin undir stjórn Helgu einnar. Kórinn sem skiptist í tvær aðskildar einingar (barna- og unglingakór) telur yfirleitt á bilinu fimmtíu til áttatíu meðlimi og hefur hann…
Hljómsveitin Bara burt Reynir starfaði í nokkur ár og var hluti af þeirri rokksenu sem var þá var í gangi í Hafnarfirði. Elstu heimildir um sveitina er að finna frá vorinu 1996 en þá sigraði hún hljómsveitakeppnina Fjörungann sem FÍH stóð fyrir í Hafnarfirði, sú keppni var þá haldin í annað skipti og var ætlað…
Túnfiskar var sönghópur úr Öldutúnsskóla sem gaf út tveggja laga plötu vorið 1986 og naut nokkurra vinælda. Forsaga málsins er sú að krakkar af unglingastigi Öldutúnsskóla í Hafnarfirði höfðu flutt dagskrá í skólanum undir heitinu „Karnival“ á haustönn 1985 en sú dagskrá vakti það mikla athygli að Jón Gústafsson, sem þá annaðist þáttagerð í Ríkissjónvarpinu,…
Þjóðlagasveitin Tríóla starfaði í nokkra mánuði árið 1974 í Hafnarfirði. Fyrst um sinn var um kvartett að ræða en meðlimir voru þá Þóra Lovísa Friðleifsdóttir söngkona, Birgir Grímur Jónasson gítar-, banjó- og munnhörpuleikari, Gunnar Friðþjófsson gítarleikari og Friðþjófur Helgason (síðar ljósmyndari) kontrabassaleikari. Þegar fækkaði um einn í Tríólu var það stundum kallað Þjóðlagatríóið Tríóla, að…
Hafnfirska harðkjarnasveitin Teib var undanfari Vígspár en Teib var stofnuð snemma á árinu 1998. Meðlimir sveitarinnar voru Rúnar Ólafsson trymbill, Valdi Olsen gítarleikari, Árni [?] bassaleikari, Gauti [?] söngvari og Freyr [?] gítarleikari. Gauti var ekki lengi í Teib og um tíma var ónafngreindur söngvari frá Ísafirði í sveitinni, Bóas Hallgrímsson (Spitsign) tók við söngnum…
Tarsan og villtu aparnir var hafnfirsk unglingasveit, starfandi haustið 1983 en þá lék hún á fjölskylduskemmtun í Firðinum. Engar frekari upplýsingar finnast um meðlimi Tarsans og villtu apanna.
Hljómsveitin Ónefni starfaði í Hafnarfirði á fyrri hluta ársins 1983 og lék eins konar djasstónlist. Engar upplýsingar er að finna um meðlimi þessarar sveitar en leiða má getum að því að þeir hafi verið fremur ungir að árum. Allar tiltækar upplýsingar óskast því um Ónefni.
Hljómsveitin Útópía starfaði í nokkra mánuði í Hafnarfirði sumarið 1996. Þetta var eins konar teknósveit og voru meðlimir hennar Hermann Fannar Valgarðsson, Úlfur Linnet og Oddur Snær Magnússon. Sveitarmeðlimir voru ungir að árum og um haustið breyttu þeir nafni sveitarinnar í Nuance.
Þjóðlagasveitin Scruffy Murphy starfaði í Hafnarfirði veturinn 1997-98 en sveitin sérhæfði sig einkum í írskri tónlist. Meðlimir Scruffy Murphy voru Hermann Ingi Hermannsson söngvari og gítarleikari (Logar, Papar o.fl.), Elísabet Nönnudóttir ásláttar- og flautuleikari (Hrafnar o.fl.), Poul Tschiggfrie söngvari og fiðluleikari og Sarah Tschiggfrie harmonikkuleikari. Scruffy Murphy lék aðallega á pöbbum á höfuðborgarsvæðinu.
Litlar sem engar heimildir er að finna um hljómsveitina Saxon en hún var starfrækt í Hafnarfirði 1966-67. Sveitin lék nokkuð á dansleikjum á höfuðborgarsvæðinu a.m.k. en aðrar upplýsingar um þessa sveit eru afar takmarkaðar, að öllum líkindum var þó Dýri Guðmundsson í henni.
Nuance var triphopsveit úr Hafnarfirði sem vakti nokkra athygli á seinni hluta tíunda áratugarins. Nuance var stofnuð upp úr annarri sveit, Útópíu, haustið 1996 og vorið eftir keppti sveitin í Músíktilraunum Tónabæjar. Meðlimir voru þá Hermann Fannar Valgarðsson, Oddur Snær Magnússon og Úlfar Linnet, sem allir léku á hljómborð og tölvutengda hluti. Þrátt fyrir ágætis…
Hljómsveitin Nabblastrengir (Umbilical cords) úr Ölduselsskóla í Hafnarfirði hvarf jafnskjótt og hún birtist í íslensku tónlistarlífi en hún sigraði Músíktilraunir og virtust allir vegir færir. Sveitin var stofnuð haustið 1989 í Hafnarfirði en um vorið 1990 mætti hún til leiks í Músíktilraunir Tónabæjar og Rásar 2 undir nafninu Nabblastrengir (sums staðar ritað Naflastrengir). Valdimar Gunnarsson…
Prentsmiðjan og auglýsingastofan Prisma starfaði í Hafnarfirði um árabil og var í eigu þeirra Baldvins Halldórssonar (bróður Björgvins Halldórssonar), Ólafs Þ. Sverrissonar og eiginkvenna þeirra. Prisma var stofnuð 1973 og var meginþorri íslenskra plötuumslaga á áttunda og níunda áratug liðinnar aldar unninn í prentsmiðjunni, Prisma var 1998 sameinuð prentsmiðjunni Prentbæ og kallaðist eftir það Prisma-Prentbær…
Pönksveitin PPPönk úr Hafnarfirði starfaði um þriggja ára skeið, vakti nokkra athygli og náði að gefa út eina smáskífu. Sveitin var stofnuð vorið 1996 og einungis örfáum vikum síðar átti hún þrjú lög á hafnfirsku safnplötunni Drepnir. Eitt laganna, Surferboy fékk heilmikla spilun á útvarpsstöðinni X-inu og vakti athygli á sveitinni. Meðlimir PPPönks í upphafi…
Plató var hljómsveit úr Hafnarfirðinum sem sérhæfði sig einkum í tónlist hipparokkara í anda Led Zeppelin, Cream o.fl. Þeir félagar voru einnig í blúsnum. Sveitin var stofnuð sumarið 1990 og voru meðlimir hennar Guðfinnur Karlsson söngvari, Starri Sigurðarson bassaleikari, Jón Örn Arnarson trommuleikari og Kristbjörn Búason gítarleikari. Flestir áttu þeir eftir að birtast í mun…
Allar upplýsingar um hafnfirsku unglingahljómsveitina Pez væru vel þegnar. Pez starfaði 1995 og 96 en ekkert annað liggur fyrir um þessa sveit.
Páll Kr. Pálsson kom víða við á sínum ferli, hann var kórstjórnandi, tónlistarkennari og -skólastjóri, organisti og undirleikari auk þess að koma að félagsmálum tónlistarmanna á Íslandi með ýmsum hætti. Páll (Kristinn) fæddist 1912 í Reykjavík og bjó þar fram á fullorðinsár. Hann var músíkalskur með eindæmum og mun hafa verið farinn að spila á…
Hljómsveitin Juel juel juel var unglingasveit úr Hafnarfirði og starfaði á níunda áratug síðustu aldar. Allar upplýsingar varðandi þessa sveit vantar en væru vel þegnar.
Hljómsveitin Kátir piltar frá Hafnarfirði (hin fyrri) starfaði um og eftir seinna stríð. Sveitin spilaði oft í Góðtemplarahúsinu (Gúttó) þar í bæ en um var að ræða sextett. Meðlimir Kátra pilta voru Friðleifur E. Guðmundsson gítarleikari, Einar Sigurjónsson harmonikkuleikari, Friðþjófur Sigurðsson trommuleikari, Stefán Þorleifsson saxófón- og harmonikkuleikari, Jónatan Ólafsson píanóleikari og Magnús Randrup saxófón- og…
Kátir piltar úr Hafnarfirði (hinir síðari) komu fram á sjónarsviðið á níunda áratug síðustu aldar og vakti verulega athygli, sérstaklega fyrir lagið Feitar konur en sveitin var í raun fjöllistahópur einstaklinga sem síðar hefur orðið þekktur í íslensku lista- og menningarlífi. Kátir piltar eiga uppruna sinn að rekja til Flensborgarskóla í Hafnarfirði en þar voru…
Það kann að hljóma undarlega að Karmelsystur, nunnur úr Karmelklaustrinu í Hafnarfirði skulu vera meðal tónlistarflytjenda á Íslandi en að minnsta kosti ein útgáfa liggur þó eftir þær. Upphaf sögu Karmelsystra í Hafnarfirði má rekja til ársins 1939 en þá hófst undirbúningur fyrir byggingu klausturs þeirra í Hafnarfirði, og komu þrjár systur hingað til lands…
