Afmælisbörn 21. mars 2017

Elfar Berg

Á þessum degi eru afmælisbörnin tvö á skrá Glatkistunnar:

Bergsveinn Arilíusson söngvari er fjörutíu og fjögurra ára, hann var áberandi á árunum fyrir og um aldamótin og söng lengst af með Sóldögg en einnig með Pöpum. Áður hafði hann vakið athygli með Ðí Kommittments og Acid juice, og 1993 kom út platan Kærleikur sem hafði að geyma gömul lög sungin af ungum og efnilegum söngvurum, þar söng hann tvö lög.

Elfar Berg Sigurðsson píanóleikari (1939-2011) átti einnig þennan afmælisdag, hann var einna lengst með Lúdó og Stefáni / Lúdó sextett og lék á plötum þeirrar sveitar en starfrækti líka eigin hljómsveitir, Tríó Elfars Berg og Hljómsveit Elfars Berg.