Þú ert… (1993-94)

Þú ert…

Hljómsveitin Þú ert… var skammlíf ballsveit starfandi um eins árs skeið 1993 og 94.

Þú ert… var stofnuð haustið 1993 og voru meðlimir sveitarinnar Ingibjörg Erlingsdóttir söngkona, Hafþór Pálsson söngvari, Daníel Arason hljómborðsleikari, Ólafur Karlsson trommuleikari, Jón Friðrik Birgisson bassaleikari og Hafsteinn Þórisson gítarleikari. Jónas Sveinn Hauksson tók síðan við sönghlutverkinu af Hafþóri líklega um miðjan vetur.

Sveitin tók upp a.m.k. tvö lög og rataði annað þeirra á safnplötuna Sándkurl sumarið 1994 en vakti ekki mikla athygli. Þú ert… var líklega hætt störfum um haustið.