Afmælisbörn 2. september 2017

2017 Þrjú afmælisbörn eru á skrá Glatkistunnar í dag:

Steindór Andersen

Hans (Þór) Jensson saxófónleikari er sjötíu og sex ára gamall. Hans lék lengstum með Lúdó sextettnum (áður Plútó/Plúdó) en mun einnig hafa leikið með sveitum eins og Hljómsveit Ólafs Gauks og Hljómsveit Elfars Berg. Heimildir segja að hann hafi verið einn af stofnendum Samkórs Mýramanna og stjórnað kórnum um tíma. Hans hefur leikið inn á fjölda hljómplatna og er tónleikaplata Sálarinnar hans Jóns míns, 12. ágúst ´99 ein þeirra en Hans er einmitt faðir Jenss Hanssonar saxófónleikara Sálarinnar.

Steindór Andersen kvæðamaður frá Suðureyri  við Súgandafjörð er sextíu og þriggja gamall í dag. Margir muna eftir samstarfi Steindórs og hljómsveitarinnar Sigur rósar upp úr aldamótum en Steindór túraði með sveitinni og kvað rímur, einnig kom út plata með því samstarfi. Að minnsta kosti þrjár plötur aðrar plötur hafa komið út með Steindóri þar sem hann kveður m.a. Úlfhamsrímur, en meðal samstarfsmanna hans er Hilmar Örn Hilmarsson allsherjargoði.

Akureyringurinn Rögnvaldur gáfaði (Bragi) Rögnvaldsson bassaleikari er fimmtíu og tveggja ára gamall á þessum degi. Rögnvaldur var öflugur í norðlensku tónlistarlífi hér áður og lék þá með sveitum eins og Lost, Jómfrú Kamilíu, Lúnaskrospýjunni, Sýkkklunum, Möðruvallamunkunum, Joð-ex, Betl, Skrokkabandinu og Parror en síðar í þekktari sveitum eins og Dægurlagapönkhljómsveitinni Húfu og Hvanndalsbræðrum.