Afmælisbörn 18. febrúar 2018

Arnar Eggert Thoroddsen

Glatkistan hefur að þessu sinni tvö afmælisbörn á skrá:

Halldór Haraldsson píanóleikari er áttatíu og eins árs gamall í dag. Hann nam hér heima og í London, hefur leikið með Sinfóníuhljómsveit Íslands, kennt á píanó í og gegnt stöðu skólastjóra Tónlistarskólans í Reykjavík, gegnt ábyrgðarstörfum fyrir FÍT og önnur félagssamtök hér heima og erlendis svo fáein atriði séu tíunduð, hann hefur hlotið fálkaorðuna og heiðursverðlaun Íslensku tónlistarverðlaunanna fyrir störf sín. Hann hefur einnig gefið út nokkrar plötur þar sem píanóleik hans er að finna. Núna fyrir jólin kom út bók um Harald.

Arnar Eggert Thoroddsen tónlistarskríbent er fjörutíu og fjögurra ára gamall. Hann var í einhverjum hljómsveitum á yngri árum (t.d. Maunum) en er fyrst og fremst þekktur fyrir tónlistarumfjöllun sína í Morgunblaðinu frá 1999, dagskrárgerð á Rás 2 og hefur auk þess skrifað bækur um tónlist. Arnar gegnir í dag stöðu aðjúnkts í tónlistarfræðum við Háskóla Íslands.