Afmælisbörn 3. mars 2018

Guðbjörn Guðbjörnsson

Þrír tónlistarmenn koma við afmælissögu Glatkistunnar í dag

Guðbjörn Guðbjörnsson óperusöngvari er fimmtíu og sex ára en hann nam söng hér heima, í Þýskalandi og Sviss, og starfaði erlendis þar til hann sneri heim til Íslands. Hér heima hefur hann lítið fengist við söng síðustu árin, starfar sem yfirtollvörður en hefur reyndar kennt við Söngskóla Sigurðar Demetz.

Þorvaldur Bjarni Þorvaldsson tónlistarmaður, upptökustjóri og útsetjari svo fátt eitt sé nefnt, er fimmtíu og tveggja ára gamall í dag. Þorvaldur er þekktastur sem einn Todmobile-liða en hefur einnig fengist við upptökur, útsetningar, tónsmíðar og annars konar spilamennsku. Hann hefur  t.d. þrívegis samið Eurovision framlög Íslands. Hann starfar nú sem tónlistarstjóri Menningarfélags Akureyrar.

Jón Valur Guðmundsson trommuleikari á einnig afmæli á þessum degi en hann er þrítugur í dag og á því stórt afmæli. Jón Valur hefur leikið á trommur með sveitum eins og Big Kahuna, Who knew og Krónu, og sjálfsagt eru sveitirnar mun fleiri en hér eru upptaldar.

Auglýsingar