Blástakkar [3] (1948-60)

Blástakkar

Hljómsveitin Blástakkar var fyrsta danshljómsveitin sem starfaði í Rangárvallasýslu en fram til þess tíma höfðu harmonikkuleikarar, ýmist einir eða fleiri saman annast slíka ballspilamennsku.

Sveitin var stofnuð líklega árið 1948 fremur en 49 og var kjarni hennar skipaður sömu mönnum mest allan tímann sem hún starfaði, það voru þeir Grétar Björnsson gítarleikari, Rúdolf Stolzenwald píanóleikari, Jón Guðjónsson trommuleikari og Gunnar Guðjónsson harmonikkuleikari, þeir Jón og Gunnar voru bræður. Ragna Ólafsdóttir söng með sveitinni lengst af en einnig komu söngvararnir Haraldur Sigurðsson (Halli bróðir Ladda) og Jakob Ó. Jónsson við sögu hennar undir lokin áður en nafni sveitarinnar var breytt í Echo árið 1959 eða 60. Valdimar Jóhannsson harmonikkuleikari, Aðalbjörn Kjartansson saxófónleikari og Árni [Árnason?] trompetleikari gætu einnig allir hafa komið við sögu sveitarinnar eða hljómsveitarinnar Echo.

Blástakkar léku mestmegnis á böllum í heimabyggð, í Rangárvalla- og Vestur-Skaftafellssýslu.

Auglýsingar