Afmælisbörn 18. október 2018

The Boys

Í dag koma tvö tónlistartengd afmælisbörn við sögu Glatkistunnar:

Magni Friðrik Gunnarsson gítarleikari frá Akureyri er fimmtíu og eins árs gamall í dag. Magni er kunnastur fyrir framlag sitt með Stuðkompaníinu sem sigraði Músíktilraunir 1987 en hefur svosem komið mun víðar við á sínum tónlistarferli, hann hefur leikið og sungið í sveitum eins og Foringjunum, Twist & bast, Steðjabandinu og Hljómsveit Steingríms Stefánssonar auk þess að syngja í ýmsum kórum en starfar í dag með sveitum eins og Skyttunum, South river band og þjóðlagasveitinni Kólgu.

Þá á Rúnar Halldórsson þrjátíu og átta ára afmæli á þessum degi. Rúnar er annar bræðranna sem skipaði tvíeykið The Boys á bernskuárum sínum í Noregi þar sem þeir bjuggu. The Boys slógu rækilega í gegn ytra á þremur plötum þar sem þeir sungu gamla slagara frá sjötta og sjöunda áratugnum. Minna hefur farið fyrir Rúnari hin síðari ár en hann starfrækti hljómsveitina Spinoza ásamt bróður sínum og fleiri í kringum aldamótin, hann býr nú erlendis.

Auglýsingar