Ástartöfrar

Ástartöfrar
(Lag / texti Valdimar J. Auðunsson / E. Karl Eiríksson)

Oft við Amor hef ég átt í erjum
en aldrei hlotið slíkan skell.
Hann sínum örmum að mér beindi
og það var ég sem féll.

Oft við Amor hef ég átt í erjum
en hann mig töfrum hefur beitt.
Ástin á nú hug minn
og aftur get ég
ekki minnsta viðnám veitt.

Ég féll að fótum þér,
fyrirgefðu mér
að ég skuli unna þér.
Ég yfirunnin alveg er
og ekkert getur bjargað mér.

Oft við Amor hef ég átt í erjum
en aldrei hlotið slíkan skell.
Ástin á nú hug minn
og ég er bundin
af því það var ég sem féll.

[m.a. á plötunni Björk & Tríó Guðmundar Ingólfssonar – Gling gló]