Grænland

Grænland
(Lag / texti: Bubbi Morthens)

Þegar þú komst af veiðum með nýskutlaðan sel,
sólarhringum saman í leyni, slydda, stormur og él.
Þegar hafísinn kom inn á firðina hvarf selurinn á brott,
ísinn var of þykkur fyrir rostungana,
hundarnir dóu, þið liðuð skort.

Ó, þú mikli veiðimaður, það er sárt að horfa á.
Þeir troða ykkur niður í svaðið, rífa upp með rótum liðin ár.
Dóttursynir þínir fara aldrei á veiðar eða við náttúruna takast á.
Ryðgaðir sleðans meiðar,
minningar um horfin ár.

Þegar námurnar dóu, flutti draumurinn sig úr stað.
Tómar tóftirnar hlógu, á hnjánum trúboðinn bað.
Til Danmerkur með stóra drauma, stórir draumar kosta mikið fé,
kynþáttahatrið þar kraumar,
við viljum enga skrælingja hér.

Landi og þjóð í helgrep haldið, í staðinn fáið þið brennivín og hass.
Danskt er yfirvaldið sem heimtar að sleiktur sé sinn rass.
Þegar vitund þjóðar þinnar er að vakna, horfir þjóð mín í aðra átt.
Húðlit sínum hún hampar,
sem er hvítur, þú veist við hvað er átt.

Fyrirgefðu þjóð minni, kæri bróðir.
Því hún stígur sinn eigin djöfladans.
Hún vill ekki sjá eymd þína bróðir,
því hún samþykkir verk kúgarans.

[af plötunni Bubbi Morthens – Fingraför]