Afmælisbörn 18. ágúst 2019

Kristján Edelstein

Afmælisbörn dagsins eru þrjú að þessu sinni:

Haraldur Leví Gunnarsson trommuleikari og plötuútgefandi er þrjátíu og tveggja ára gamall á þessum degi en hann var þekktur sem trommuleikari hljómsveitanna Lödu sport og Lifun áður en hann stofnaði plötuútgáfuna Record record haustið 2007. Sú útgáfa lifir í dag góðu lífi og gefur út margar af frambærilegustu tónlistarmönnum landsins s.s. Júlíus Meyvant, Of monsters and men, Amabadama og Agent fresco.

Kristján Edelstein gítarleikari frá Akureyri er fimmtíu og sjö ára í dag. Kristján sem hefur mestmegnis starfað við hljóðupptökur síðustu áratugina og þ.a.l. leikið inn á fjölda platna, hefur þó leikið með ógrynni hljómsveita frá unga aldri, hér eru nokkur dæmi: Járnkarlarnir, Puppets, Skriðjöklar, Fire, Start, Út að skjóta hippa, Zikk zakk, Alvaran, Chaplin, Berserkir, PKK, Góðkunningjar lögreglunnar og Rokksveit Fúsa Óttars.

Einnig er hér nefndur tónskáldið Salómon Heiðar (1889-1957) en hann var einnig organisti og kórstjórnandi. Hann var til að mynda organisti og stjórnandi Kórs Aðventkirkjunnar um árabil, einn af stofnendum Karlakórsins Þrasta í Hafnarfirði og starfaði einnig fyrir Karlakór Reykjavíkur. Salómon samdi einkum lög fyrir karlakóra og kom út plata með tuttugu og átta lögum eftir hann árið 2005.