Afmælisbörn 19. ágúst 2019

Þórður Árnason

Tvö afmælisbörn er á skrá Glatkistunnar að þessu sinni:

Þórður Árnason gítarleikari oftast kenndur við hljómsveit allra landsmanna, Stuðmenn, er sextíu og sjö ára í dag. Nokkur ár eru liðin síðan hann yfirgaf sveitina en hann hefur í gegnum tíðina leikið með fjömörgum hljómsveitum, þeirra á meðal má nefna Frugg, Sókrates, Rifsberju, Brunaliðið, Litla matjurtagarðinn, Stóla og Þursaflokkinn svo einungis fáeinar séu hér upp taldar. Þórður hefur ennfremur leikið inn á fleiri plötur íslenskra tónlistarmanna en tölu verður fest á.

Jóhann Ólafur Haraldsson tónskáld hefði einnig átt afmæli þennan dag en hann lést árið 1966 þá sextíu og fjögurra ára gamall. Jóhann, sem var fæddur 1902, ólst upp og bjó alla sína tíð við Eyjafjörðinn, hann var að mestu sjálfmenntaður í tónlist og varð organisti við a.m.k. tvær kirkjur í sinni heimabyggð, lék undir hjá kórum og einsöngvurum, stjórnaði einnig kórum og söng með þeim en hann þótti hafa fagra tenórrödd. Jóhann var þó fyrst og síðast tónskáld en tónverk af ýmsu tagi liggja eftir hann, og útgefin á nótum.