Draumur

Draumur
(Lag og texti Björn Jörundur Friðbjörnsson)

Í grárri móðu birtast mér
sýnir fortíðinni frá.
Skugga slegnir hlutir koma í ljós.
Ég hleyp nær til að sjá.

Augun blindast af litadýrð,
góðan stað ég fann
þar sem vatnið er spegilslétt
og hefur aldrei séð mann.

Viðlag
Þarna er fallegt, þar vil ég búa.
Draumur og veruleiki mætast.
Þó að ég þurfi kamba að kljúfa
þá skal ég láta drauminn rætast.

Ég þarf að funda við almættið,
vakna lífsins til.
Ferðbý mig snögg og legg af stað,
tek stefnu á Hamragil,
þar næ ég fundi við almættið,
sæki um landnámsstyrk.
Ferðast svo hratt yfir tímans tönn
að eldfjöllin verða virk.

Viðlag

[af plötunni Nýdönsk – Regnbogaland]