Frelsið

Frelsið
(Lag og texti: Björn Jörundur Friðbjörnsson)

Geng nakinn um húsakynnin,
býð nýjan dag velkominn,
strýk framan úr mér mesta hárið.

Norðangarinn feykir mér um kollinn á þér
sem þú liggur á grúfu,
andar að þér flóru landsins.

Viðlag
Frelsið er yndislegt,
ég geri það sem ég vil.
Skyldi maður verða leiður á því
til lengdar að vera til.

Með nefið fullt af mold
sem lyktar annars ágætlega,
getur fólk átt erfitt með að tala.

Samt segir þú mér sællega
frá öllu sem þér býr í brjósti,
liggur á bakinu og lætur tímann líða.

Viðlag.

Golar sveiflar gróðrinum,
næðir um,
hárin risin, holdið bert.

Það er gott að eiga kost á því
að geta komist í náið samband
við náttúrunnar leyndardóma.

Viðlag

[m.a. á plötunni Nýdönsk – Regnbogaland]