Litli fugl

Litli fugl
Lag og texti Hörður Torfason

Lítill söngfugl flýgur hátt, yfir heimsins borgum,
hann er einn að leita að, lausn á mannsins sorgum.
Alltof lengi hefur hann, horft á manninn fitla
af tómri græðgi og kjánaskap eitra heiminn litla.

Fljúgðu fugl minn, fljúgðu hátt, ofar öllu eitri.
Fljúgðu fugl minn, fljúgðu hærra, ofar litum regnbogans.
Fljúgðu fugl minn, fljúgðu hærra, á meðan heimur stígur trylltan dans.

Lítill söngfugl flýgur hátt, berst gegn niðurlotum,
hann er að tapa fluginu, með brjóstið fullt af skotum.
Söngfuglinn er orðinn hás, hann veldur fáum tónum.
Hann hefur dapur hallað sér, á fjall langt frá sjónum.

Fljúgðu fugl minn, fljúgðu hátt, ofar öllu eitri.
Fljúgðu fugl minn, fljúgðu hærra, ofar litum regnbogans.
Fljúgðu fugl minn, fljúgðu hærra, á meðan heimur stígur trylltan dans.

Litli söngfugl syngdu lag, um von og gleði þína.
Færðu heimi trú og styrk, láttu ljós þitt skína.
Litli söngfugl lifðu vel, þú veist hvar ég á heima.
Ég mun aldrei gleyma því, sem þú baðst mig að geyma.

Fljúgðu fugl minn, fljúgðu hátt, ofar öllu eitri.
Fljúgðu fugl minn, fljúgðu hærra, ofar litum regnbogans.
Fljúgðu fugl minn, fljúgðu hærra, á meðan heimur stígur trylltan dans.

[af plötunni Hörður Torfason – Hugflæði]