Ljósaskipti

Ljósaskipti
(Lag Ólafur Hólm / texti Daníel Ágúst Haraldsson og Björn Jörundur Friðbjörnsson)

Öll okkar leit
virðist staðfesta það
að sprengjan hún sprakk.
Enginn veit
hvað hratt því af stað
en hún sneið okkur stakk.

Aðeins hugtak
í of stóru mengi
og óendanleika.
Óupplýst stak
á alheimsins engi
er illa til reika.

Þú lýsir mig upp,
lætur mig sjá
ef eitthvað vantar upp á,
lýsir mig upp,
lætur mig sjá.

Í vissri nálægð
við ofbirtu gín,
vakna upp spurningar.
Í réttri fjarlægð
gjörbreytist sýn,
svör innan seilingar.

Allt sem við vitum
kallar á meira.
Kannski skynjum við
bráðum hyldýpið
og snúum við

Þú lýsir mig upp,
lætur mig sjá
ef eitthvað vantar upp á,
lýsir mig upp,
lætur mig sjá.

[af plötunni Nýdönsk – Hunang]