Þótt þú langförull legðir

Þótt þú langförull legðir
(Lag / texti: Sigvaldi S. Kaldalóns / Stephan G. Stephensen)

Þótt þú langförull legðir
sérhvert land undir fór,
bera hugur og hjarta
samt þíns heimalandsmót,
frænka eldfjalls og íshafs,
sifji árfoss og hvers,
dóttir langholts og lyngmós,
sonur landvers og skers.

Yfir heim eða himin
hvort sem hugar þín önd,
skreyta fossar og fjallshlíð
öll þín framtíðarlönd.
Fjarst í eilífðar útsæ
vakir eylendan þín:
Nóttlaus voraldar veröld
þar sem víðsýnið skín.

Það er óskaland íslenskt
sem að yfir þú býr,
aðeins blómgróin björgin,
sérhver baldjökull hlýr,
frænka eldfjalls og íshafs,
sifji árfoss og hvers,
dóttir langholts og lyngmós
sonur landvers og skers.

[m.a. á plötunni Karlakórinn Heimir – Fram í heiðanna ró]