Afmælisbörn 25. apríl 2020

Ólafur Páll Gunnarsson

Tvö tónlistartengd afmælisbörn koma við sögu dagins:

Skagamaðurinn Ólafur Páll Gunnarsson dagskrárgerðarmaður á Rás 2 er fimmtíu og eins árs gamall í dag, hann hefur kynnt tónlist, íslenska sem erlenda, í útvarpsþáttum sínum á Ríkisútvarpinu, langlífastur þeirra er Rokkland en hann hefur verið á dagskrá í yfir tutttugu ár. Hann hefur annast sviðskynningu á Músíktilraunum um árabil en einnig leikið á gítar í nokkrum Skagatengdum hljómsveitum, þeirra á meðal má nefna sveitirnar Ópal og Magnús.

Hér er svo einnig nefndur Jens Ólafsson (Jenni í Brain police) söngvari frá Akureyri sem er fjörutíu og tveggja ára gamall í dag en auk þess að syngja með Brain police hefur hann einnig gert garðinn frægan með hljómsveitum eins og Toy machine, Best fyrir, Hot damn og Gimp.