Frostrósir [1] (um 1965)

Frostrósir

Hljómsveitin Frostrósir starfaði um miðjan sjöunda áratug síðustu aldar vestur á Skarðsströnd og telst að öllum líkindum vera fyrsta kvennahljómsveit Íslandssögunnar.

Frostrósir voru stofnaðar sumarið 1964 og voru meðlimir sveitarinnar þrjár, þær Ingibjörg K. Kristinsdóttir harmonikkuleikari, Ólöf Guðmundsdóttir harmonikkuleikari og Camilla Friðborg Kristjánsdóttir píanóleikari – líklega sungu þær allar en þær voru allar komnar á miðjan aldur þegar sveitin var stofnuð. Trommuleikarinn Gestur Valgeir Gestsson kom fram með sveitinni að minnsta kosti einu sinni en þær stöllur léku nokkuð á dansleikjum vestra.

Frostrósir störfuðu um nokkurra ára skeið eftir því sem best verður komið en ekki liggur þó fyrir hversu lengi.