Silfurfálkinn (1999-2003)

Silfurfálkinn mun hafa verið eins manns hljómsveit Sigurðar Halldórs Guðmundssonar sem hann starfrækti en hann sendi frá sér lög á þremur safnplötum á árunum 1999 til 2003 undir því nafni.

Silfurfálkinn kemur fyrst fyrir á safnplötunni Rokkstokk 1999 (tengt samnefndri hljómsveitakeppni í Keflavík) þar sem hann var með tvö lög en sveitin hafnaði þar líklega í öðru sæti keppninnar. Þremur árum síðar átti hann lag á safnplötunni Afsakið hlé sem sömuleiðis kom úr Keflavík og svo 2003 átti hann lag í Ljósanætur-keppninni í Keflavík og þá um leið á safnplötunni Ljósalagið Reykjanesbæ 2003, þar hafði hann nokkra valinkunna tónlistarmenn sér til aðstoðar.

Sigurður virðist ekki hafa notað Silfurfálka-nafnið síðan 2003.