Afmælisbörn 4. desember 2021

Sigurður Ólafsson

Í dag eru afmælisbörn Glatkistunnar eftirfarandi:

Ágúst Fannar Ásgeirsson hljómborðsleikari hljómsveitarinnar Jakobínurínu er þrjátíu og eins árs gamall á þessum degi. Jakobínarína vann sér meðal annars til frægðar á sínum tíma að vinna Músíktilraunir (2005) en eftir að sveitin hætti árið 2009 hefur lítið spurst til Ágústs. Hann hefur þó starfað með hljómsveitinni Kosijama.

Sigurður Ólafsson söngvari og hestamaður (1916-93) hefði einnig átt afmæli þennan dag, hann var vinsæll söngvari og söng inn á fjölmargar 78 snúninga plötur á sínum tíma og breiðskífu einnig þegar þær komu til sögunnar. Sigurður var einn þriggja bræðra sem einnig lögðu söng og tónlist fyrir sig en af þeim er fjölmargt tónlistarfólk komið.

Vissir þú að lag Oddgeirs Kristjánssonar Ship-o-hoj gekk lengi vel undir nafninu Innocent eftir púrtvínstegund sem þá naut mikilla vinsælda í Vestmannaeyjum?