Afmælisbörn 27. janúar 2022

Elmar Gilbertsson

Í dag eru tvö tónlistartengd afmælisbörn á lista Glatkistunnar:

Elmar Gilbertsson tenórsöngvari er fjörutíu og fjögurra ára gamall á þessum degi. Hann er einn af fremstu söngvurum landsins og nam söng í Hollandi en hann hefur starfað þar og víðar í Evrópu. Elmar er líkast til hvað þekktastur fyrir hlutverk sitt í óperunni Ragnheiði en hann hefur auðvitað sungið í ótal óperuuppfærslum og tónleikum í gegnum tíðina hér heima og erlendis. Hann hefur bæði hlotið Grímuverðlaun og verið kjörinn söngvari ársins flokki sígildrar/samtímatónlistar á Íslensku tónlistarverðlaununum.

Þá fagnar Haukur Viðar Alfreðsson fjörutíu og tveggja ára afmælisdegi sínum í dag. Haukur Viðar hefur sungið og leikið á gítar og bassa í fjölda hljómsveita en þekktust þeirra eru Morðingjarnir og Vígspá, einnig má nefna sveitir eins og Leather beezt, Dáðadrengir og Hellvar. Þá er hann einn þeirra sem halda uppi hlaðvarpinu Bestu plötunni.

Vissir þú að réttara er að syngja „Þýtur í laufi“ fremur en „Þytur í laufi, því þannig var það upphaflega hjá Tryggva Þorsteinssyni skátaforingja sem samdi textann