Spur Pópunar (2002)

Litlar upplýsingar er að finna um tónlistaflytjanda sem kallaði sig Spur Pópunar en að öllum líkindum var að ræða eins manns sveit Árna Viðars Þórarinssonar en hann flutti elektróníska tónlist.

Spur Pópunar kom fram að minnsta kosti á einum tónleikum vorið 2002 á vegum Hins hússins og um það leyti sendi sveitin frá sér tólf laga plötu sem bar titilinn Eldað fyrir örvhenta. Sú útgáfa var svokölluð heimabruggs-útgáfa sem þá var tiltölulega ný af nálinni, og fór því ekki í almenna eða mikla dreifingu fyrir vikið.

Spur Pópunar sendi frá sér aðra plötu, Hver er hræddur við kósínus? en upplýsingar um þá útgáfu eru jafnvel af enn skornari skammti. Ekki liggur t.d. fyrir um hvenær sú plata kom út og er hér með óskað eftir frekari upplýsingum um það.

Efni á plötum