Svartar sálir

Upplýsingar óskast um hljómsveitina Svartar sálir sem starfaði á Höfn í Hornafirði, annars vegar sem unglingahljómsveit á áttunda áratugnum (á að giska) og hins vegar í kringum 2010.

Engar heimildir er að finna um Svartar sálir frá fyrra starfsskeiði hennar utan þess að meðlimir hennar eru sagðir vera Gulli [?] gítarleikari, Milli [?] gítarleikari, Fúsi [Vigfús Svavarsson bassaleikari?], Nonni [Jón Malmquist Guðmundsson trommuleikari?] og Emil [?], og er því hér með óskað eftir ítarlegum upplýsingum þ.a.l.

Sveitin virðist síðan hafa verið endurreist eftir langt hlé (hversu langt liggur þó ekki fyrir) og var hún þá starfandi á árunum 2010 til 2012 að minnsta kosti, jafnvel lengur. Sveitin var á því tímaskeiði að einhverju leyti skipuð sömu meðlimum, þ.e. Gulla, Milla, Jóni og Vigfúsi að minnsta kosti en einnig söngkonunni Sigríði Sif Sævarsdóttu og hugsanlega var yngri systir hennar, Þórdís Sævarsdóttir einnig í sveitinni. Þannig skipuð lék sveitin m.a. á humar- og blúshátíðum á Höfn.

Allar frekari upplýsingar um Svartar sálir, frá hvaða tímaskeiði sem þær eru, eru vel þegnar.