Kvikindi
(Lag og texti Björn Jörundur Friðbjörnsson)

Horfir yfir sviðið,
finn taktinn taka yfir,
þrengjast inn í mig.

Ljósin lýsa upp rakann,
þrýsti mér í gegn,
þessa þröngu leið.

Rennvot reyksúr augu
mæna, horfa á
án þess að sjá.

Allir litir
saman í einum dansi,
ó þessi litadýrð.

Öll heimsins kvikindi
á sama staðinn komin
sameinuð í eina sál,
syngja sama tungumál.

Svitinn límir fötin
þétt við limi langa,
togna, tælandi.

Froðan fellur úr munnum
framandi manna
líkt og blæðandi.

[af plötunni Nýdönsk – Hunang]