Popplag í G-dúr
(Lag / texti: Valgeir Guðjónsson)

Ég er staddur á algjörum bömmer,
sé ekki‘ úr augunum út,
allt er í steik þegar þú ert ekki með mér,
hleypur í kekki og hnút.

Og svo þegar þú birtist fer sólin að skína,
smáfuglar kvaka við raust,
í brjálæðis hrifningu býð ég þér Tópas
og berjasaft skilyrðislaust.

Við syngjum saman popplag í G-dúr,
við syngjum popplag í G,
við syngjum popplag í G-dúr,
það er engin leið að hætta, það er engin leið að hætta,
það er engin leið að hætta‘ að syngja svona
popplag í G-dúr, popplag í G.

Við förum á bíó, við förum á kostum
og förum á puttanum rúnt,
brauðmolum hendum í hausinn á öndum
sem hjálmlausum fellur það þungt.

Það er engin leið að hætta, það er engin leið að hætta,
það er engin leið að hætta‘ að syngja svona
popplag í G-dúr, popplag í G.

Sóló

En af hverju þarftu svo alltaf að hverfa
augsjónum mínum á burt,
svo beygður af harmi ég breytist að nýju
í bölvaðan dóna og durt?

Og ég er hér staddur á algjörum bömmer,
sé ekki‘ úr augunum út,
allt fer í steik þegar þú ert ekki með mér,
hleypur í kekki og hnút.

Við syngjum saman popplag í G-dúr,
við syngjum popplag í G,
við syngjum popplag í G-dúr,
það er engin leið að hætta, það er engin leið að hætta,
það er engin leið að hætta‘ að syngja svona
popplag í G-dúr, popplag í G.

Popplag í G# dúr, popplag í G#-dúr,
popplag í G#, popplag í G#, popplag í G#,
það er engin leið að hætta‘ að syngja svona
popplag í A-dúr, popplag í A,
það er engin leið að hætta‘ að syngja svona
popplag í A.
Það er engin leið að hætta,
það er engin leið að hætta,
það er engin leið að hætta,
það er engin leið að hætta…

[m.a. á plötunni Stuðmenn – Á gæsaveiðum]