Harðsnúna Hanna

Harðsnúna Hanna
(Lag / texti: Gunnar Þórðarson / Þorsteinn Eggertsson)

Harðsnúna Hanna hélt við hann Gvend,
gekk á milli manna og var við þá kennd.
Ég var bara einn af þeim sem vildu hana fá.
Harðsnúna Hanna, má ég kanna hvort ég möguleika á?

Harðsnúna Hanna, hún er svo sæt,
ég gæti hana étið ef hún væri æt.
Ég er líka einn af þeim sem kveljast af þrá.
Harðsnúna Hanna, ekki banna mér í þig að spá.

Því þegar ég er nærri fæ ég nýrnakast,
hjartað hamast hraðar og fer tvist og bast
en augu þín mér alltaf gefa von
um það að geta með þér eignast son.
Ég verð ær, alveg ær,
ó, Hanna mér eiður er sær
og ég elska þig, þrái og dái frá haus niður í tær.

Harðsnúna Hanna, má ég koma í kvöld,
Gvendur er að vinna, ég veit hvað þú ert köld.
Harðsnúna Hanna, leyf mér koma í kvöld.
Ég er bara einn af þeim sem vilja þig sjá.
Harðsnúna Hanna, má ég kanna hvort ég möguleika á?

[m.a. á plötunni Ðe lónlí blúbojs – Hinn gullni meðalvegur]