Jólasveinninn minn

Jólasveinninn minn
(Lag / texti: erlent lag / Ómar Ragnarsson)

Jólasveinninn minn, jólasveinninn minn
ætlar að koma í dag
með poka af gjöfum og segja sögur
og syngja jólalag.
Það verður gaman þegar hann kemur,
þá svo hátíðlegt er.
Jólasveinninn minn, káti kallinn minn
kemur með jólin með sér.

Jólasveinninn minn, jólasveinninn minn
ætlar að koma í kvöld
ofan af fjöllum, með ærslum og köllum
hann labbar um holtin köld.
Hann er svo góður og blíður við börnin
bæði fátæk og rík.
Enginn lendir í jólakettinum,
allir fá nýja flík.

Jólasveinninn minn, jólasveinninn minn
arkar um holtin köld
af því að litla jólabarnið
á afmæli í kvöld.
Ró í hjarta, frið og fögnuð
flestir öðlast þá.
Jólasveinninn minn, komdu karlinn minn,
kætast þá börnin smá.

[m.a. á plötunni Gleðileg jól – ýmsir]