Nonni sjóari

Nonni sjóari
(Lag / texti: erlent lag / Jónas Friðrik Guðnason)

viðlag
Til fjandans með kallinn, froðusnakkinn þann
og fúla pípustertinn hans sem er að drepa mann.
Því næst er nálgast bryggja segir Nonni litli bless
og æðir þegar upp á land, aftur klár og hress.

Í margri dýrri drápu þeir drengir hljóta lof
sem draga feitan þorskinn upp úr sjó
en kvæði þessi eru þeim kappa lítil frjó
sem kúrði heila nótt á dekki og spjó.

viðlag

En eins og allir vita er íslenskt sjómannsblóð
ólgandi sem hafið blátt, ójá.
Til innyflanna í Nonna virtist ólgan líka ná
því öll þau fóru á tæting, ról og stjá.

viðlag

Um sjómanns ástarorku efast fólk ei má
en eins og meira að segja Nonni veit.
Þeir elska kannski minna í einu uppi í sveit
en oftar býðst þeim heimasætan feit.

viðlag

[m.a. á plötunni Ríó tríó – Sittlítið af hvurju]