Þú komst í hlaðið

Þú komst í hlaðið
(Lag / texti: erlent lag / Davíð Stefánsson frá Fagraskógi)

Þú komst í hlaðið á hvítum hesti,
þú komst með vor í augum þér.
Ég söng og fagnaði góðum gesti
og gaf þér hjartað í brjósti mér.

Ég heyri álengdar hófadyninn,
ég horfi langt á eftir þér.
Og bjart er alltaf um besta vininn
og blítt er nafn hans á vörum mér.

Þó líði dagar og líði nætur,
má lengi rekja gömul spor.
Þó kuldinn næði um daladætur,
þá dreymir alla um sól og vor.

[m.a. á plötunni Karlakórinn Hreimur – Söngurinn göfgar og glæðir]