Vængjalaus

Vængjalaus
(Lag / texti: Guðmundur Jónsson / Stefán Hilmarsson)

Komdu með mér til kanna heiminn,
kreistum appelsínur — finnum keiminn.
Tínum döðlur, tökum daginn snemma‘ í Róm.
Kljúfum loftið eins og Concord-þota,
komum niður, finnum töfrasprota.
Göldrum upp úr hatti alveg nýjan hljóm.

viðlag
Síðan sýni ég þér sögubækur og kver,
skýjaborgir og álfastein.
Við getur flögrað um og farið hvert á land sem er.
Fljúgum í draumi vængjalaus.

Taktu utan um mig tveimur höndum,
teygjum regnið yfir silfursöndum.
Höldum striki — heyrum vindsins enduróm.
Svífum upp á móti sólarbjarma,
stefnum áfram uns við finnum varma.
Leitum uppi fögur tré og lótusblóm.

viðlag
Síðan sýni ég þér sögueyjar og sker,
fornar slóðir og meira til.
Við getur flögrað um og farið hvert á land sem er.
Fljúgum í draumi vængjalaus.

millikafli
Yfir regnbogann og undir aftur.
Engin takmörk eru fyrir því hve lengi eða hve langt
þetta flug getur orðið,
því þetta er minn einkadraumur.

viðlag
Síðan sýni ég þér sögueyjar og sker,
fornar slóðir og meira til.
Við getur flögrað um og farið hvert á land sem er.
Fljúgum í draumi vængjalaus.

[á plötunni Sálin hans Jóns míns – Sálin hans Jóns míns]