Afmælisbörn 5. mars 2017

thorunn-bjornsdottir

Þórunn Björnsdóttir

Tvö afmælisbörn eru skráð að þessu sinni í afmælisdagbók Glatkistunnar

Þórunn Björnsdóttir kórstjórnandi og tónmenntakennari er sextíu og þriggja ára gömul í dag en hún er að sjálfsögðu kunnust fyrir störf sín sem stjórnandi Skólakórs Kársnesskóla til margra áratuga. Hún stýrði ennfremur Vallagerðisbræðrum sem var afsprengi kórsins en hefur aukinheldur komið að ýmsum félagsmálum tengt starfi sínu.

Ólafur Þ. Jónsson óperusöngvari hefði einnig átt afmæli í dag en hann lést árið 2012. Hann var fæddur 1936 og hefði því orðið áttræður á þessum degi. Ólafur nam söng og leik hér heima hjá Sigurði Demetz og fleiri söngkennurum áður en hann hélt til frekara söngnáms í Þýskalandi og Austurríkis árið 1958 þar sem hann starfaði alla tíð síðan. Ein plata kom út hér heima með söng Ólafs, á vegum SG-hljómplatna.