Ólafur ósýnilegi (1981-82)

Hljómsveit sem bar heitið Ólafur ósýnilegi lék á tónleikum vorið 1982 ásamt annarri sveit. Haustið áður (1981) hafði komið fyrir í fjölmiðlum nafnið Tríó Óla ósýnilega og er að öllum líkindum um sömu sveit að ræða. Engar upplýsingar er að finna um meðlimi þessarar sveitar en þær eru alltént vel þegnar.

Þess má geta að löngu síðar (2005) kom nafnið Óli ósýnilegi fyrir í blaðagreinum í tengslum við dúóið Steintrygg (sem samanstendur af Sigtryggi Baldurssyni og Steingrími Guðmundssyni) en í því samhengi var um að ræða tölvu sem þeir notuðu við tónlistarsköpun sína. Ekki er loku fyrir skotið að sá Óli ósýnilegi tengist þeirri sveit er starfaði tuttugu og fimm árum áður.