Norðlenska hljómsveitin Tilfelli starfaði í um eitt ár á Akureyri árið 1972.

Sveitin var stofnuð strax upp úr áramótum snemma árs 1972 og starfaði fram í nóvember sama ár. Meðlimir hennar í upphafi voru Örvar Kristjánsson harmonikkuleikari, Gunnar Tryggvason gítarleikari, Sævar Benediktsson bassaleikari, Júlíus Fossberg trommuleikari og Stefán Baldvinsson [?]. Um vorið urðu þær breytingar á sveitinni að Sævar og Júlíus hættu en í þeirra stað komu söngkonan Erla Stefánsdóttir, Gunnar Sveinarsson bassaleikari og söngvari og Páll Þorgeirsson trommuleikari og söngvari. Þannig skipuð starfaði hún til haustsins.