Troubles (1967-72)

Hljómsveit sem bar nafnið Troubles var starfrækt á Raufarhöfn á árunum 1967 til 1972.

Troubles gerði aðallega út á ballspilamennsku og coverlög þótt sveitin hefði eitthvað frumsamið á prógrammi sínu, þeir félagar spiluðu mestmegnis á heimaslóðum og nærsveitum en fóru líklega víðar yfir sumartímann.

Meðlimir sveitarinnar lengst af voru Jói Gvendar [?], Stebbi Geira [?] og Ingi Örn [?] en á einhverjum tímapunkti voru þeir Jón Magg [?] og Víðir Óskarsson í henni, ekki þó samtímis. Frekari upplýsingar um nöfn hljómsveitarmeðlima, og hljóðfæraskipan, væru vel þegnar.

Troubles kom saman aftur árið 1987 en ekki liggur fyrir hverjir skipuðu sveitina þá.