Barnakór Borgarness [1] (1942-46)

Barnakór Borgarness

Barnakór Borgarness var annar af tveimur barnakórum sem Björgvin Jörgensson stjórnaði og gerði landsfræga á sínum tíma.

Björgvin þessi kom sem barnakennari til Borgarness og árið 1942 stofnaði hann Barnakór Borgarness. Honum tókst að gera kórinn á tiltölulega skömmum tíma nokkuð öflugan og orðspor hans barst víða, kórinn söng t.a.m. margsinnis á tónleikum í nágrannasveitunum og fór aukinheldur að minnsta kosti tvívegis til tónleikahalds til Reykjavíkur og söng í Gamla bíói. Þá söng hann ennfremur í Útvarpið.

Barnakór Borgarness starfaði til sumarsins 1946 en þá um sumarið fluttist Björgvin til Akureyrar og gerðist þar kennari, hann átti þar einnig eftir að stofna þekktan barnakór þar.