Barnakór Útvarpsins (1949-51)

Barnakór var starfandi á vegum Ríkisútvarpsins á árunum 1949-51.

Það var umsjónarmaður Barnatímans í útvarpinu, Þorsteinn Ö. Stephensen, sem hafði frumkvæði af því að stofna kórinn sem Páll Kr. Pálsson stjórnaði síðan í um tvö ár. Kórinn var mestmegnis skipaður stúlkum en honum var skipt í yngri og eldri deild.

Reyndar eru heimildir um söng annars barnakórs á vegum útvarpsins frá árinu 1943 en það hefur að öllum líkindum verið um stakan viðburð að ræða.