Jónas Ólafur Jóhannesson frá Hriflu

Jónas Ólafur Jóhannesson frá Hriflu
(Lag / texti: Magnús Þór Jónsson [Megas])

Jónas frá Hriflu var hollvinur snauðra,
hann hyglaði soltnum og barg þeim frá deyð
og reið yfir landið að líkna þeim ófáu
er lífvana hjörðu við hungur og neyð.
Jónas Ólafur, Jónas Ólafur,
Jónas Ólafur Jóhannesson frá Hriflu.

Hann stóð við í Grímsey og stoð var hann mörgum
og stytta hafði hjarta og heila og hönd
uns barst honum fógetabréf þar sem stóð
að sem brjótuður laga yrði hann hnepptur í bönd.
Jónas Ólafur, Jónas Ólafur,
Jónas Ólafur Jóhannesson frá Hriflu.

En fógeta ei lukkaðist höndur að hafa
í hári hans hann hvarf burt og sást ei meir þar
en frá öðrum landshlutum fregnir um góðverk hans
flugu en að klófesta hann tókst ekki par.
Jónas Ólafur, Jónas Ólafur,
Jónas Ólafur Jóhannesson frá Hriflu.

Yfirvöld landsins þau ofsóttu Jónas
en einatt hann barg sér – oft snöggklæddur braut
því enginn var til sá er tækist að fanga hann,
hann tók ekkert feilspor uns ljánum hann laut.
Jónas Ólafur, Jónas Ólafur,
Jónas Ólafur Jóhannesson frá Hriflu.

[af plötunni Megas – Millilending]